قبل ان تتزوج

فهاد العالم اللي ولى فيه الزواج بحال صفقة تجارية، كيتبدل فيها الحب بالإكراه، وكيتباع فيها الجسد بثمن العادات والتقاليد، كاين صوت كيصيح من الأعماق: "ماشي هكا خاصك تعيش!". ماشي ضروري تزوج غير باش ترضي الناس، ولا باش تهرب من الوحدة، ولا باش تدير بحال صحابك. راه الزواج ماشي قفص، راه هو حضن دافي، فيه الصداقة قبل الغرام، وفيه التفاهم قبل الشهوة. تزوج غير إلا كنت باغي تبني حياة فيها الاحترام، فيها الضحك، وفيها دموع كتجففها يد اللي كتفهمك بلا ما تهدر.

نصيحتي ليك: ما تتهورش، ما تخليش الضغط الاجتماعي يسوقك، وخا تبقى بوحدك، راه العزلة أرحم من علاقة فارغة. قلب على اللي كتفهمك، اللي كتزيدك قيمة، ماشي اللي كتستهلكك. الزواج ماشي نهاية، راه بداية جديدة، خاصها تكون مبنية على اختيار حر، ماشي على خوف من كلام الناس. ماشي كل حب كيساوي زواج، ولكن كل زواج بلا حب راه كيساوي معاناة. دير عقلك، وسمع لقلبك، ولكن ما تعطيهش القيادة بوحدو. وخا تكون الظروف صعيبة، راه القرار ديالك هو اللي غادي يحدد واش غادي تعيش سعيد، ولا غادي تعيش سجين.  سلام